PERBABAKAN SENDRATARI LUBDAKA
PESRAMAN TOHPATI
BABAK I
1. Keluar Dedari 6
orang
Diaolog
2. keluar Giri
Putri
a. Giri Putri :
Uduh cening widyadari, pada ajak makejang ? apa mawinan cening segerehan
tangkil buka jani Lautang tuturang
cening, mirib buat pesan ane lakar raosang Idewa.
b. Dedari :
Singgih batari panembahan, nunas lugra titiyang, mangda tan keni raja pinulah,
purun presangga matur, napi mawinan, ring mrecepada rikalaning purwanining
tilem kapitu, sami miik ambun jagate ? durus pidartayang ratu betari.
c. Giri Putri :
Kene cening ayu, di jagate sedeng kalaksanayang upacara siwa ratri. Ane ke baos
siwa ratri, ngastawayang ida sang hyang
siwa, medasar mejagra apeteng maduluran bebanten :
Bunga : Kenyeri, gambir, kecubung, medori putih, pudak, nagasari,
tangguli, tanjung, sandat, cempaka, tunjung; biru, bang, putih, kedapan bila,
bunga sulasih.
: Dupa, astanggi, daran asep.
Banten : Bubuh meaduk susu, bubuh tepung misi gula misi kacang ijo,
raja-raka, toya mangsa.
e. Dedari : Ring
satwa napi mungguh brata siwa ratri punika ratu ? durus caritayang.
f. Giri Putri :
Nah kene cening, ane malu ada madn I Lubdaka manusa tukang boros. Yan cening
mabudi nawang satuane ento jalan ketaman jani nira ngelah meka dahat luih, madan
Meka Dibya Reka. Nah ditu pebalih pejalan nyane I lubdaka nira kelawan Batara
Siwa masih ngenah ditu, Tur iring masih pare semetone sami sareng nonton
nyaksiang I lubdaka, di mekane ento.( masuk Rangki )
BABAK II ( Lubdaka)
1. Keluar Lubdaka dan Istrinya.
Lubdaka :
Uduh adi, dewan beline idewa, de pesan adi meselselan, nutug e, beli anak mula
tiwas uli mare lekad, sing mebekel tegal carik, mai ke gumine. Aksamaang pesan
adi.
Istrinya :
Uduh beli Lubdaka, sampurayang nika panjanganga tyang ngenyakin an arta brana,
tuwah saking jati sayang pepineh beline sane nudut manah tiange.
Kapi beli lacur/tiwas, yang penting beli ganteng cara Rano Karno.
Yen tyang
ngelah kurnan sugih, sai tyang kalaine ngalih cewek di CV, gak mau ah sori deh.
Lubdaka :
Adi wireh suba onya dagangane, jani beli lakar luas meboros ngalih celeng alas,
melahang resepang panake jumah. (ajahan) pianak muani jerit-jerit.
Pianak muani( berlari) :
Pa..pa..pa…..paaaa payu beliang agus PLAYSTATION? Abesik nah pa nah, Bapa anak
nu ganteng awet muda.
Pianak luh(melaib) : Me..me..me..eeeng,
beliang adek jepet ane misi bunga mawar jak sandal karpil. (sang ibu masuk
ngambil bekel)
Lubdaka :
Cening ajak dadua mai malu, kene cening bagus dewek lacur petilesang awake,
singdadi meplalian buka keto. Sebuina dini
sing ada listrik, melahang melajah aksara bali, apang bisa maca lontar,
mlajain tatwa agama.
Cening adek muruk mejejaitan, muruk ngigel.
Anak laki-laki :
Na naaaa seratus bapa : Tiang lakar muruk sastra Bali yen be dueg, , muruk
nerang, ngujanang yen ada anak megae nerang, yen panes carik awake sing mupu
ngujanang.
Anak
perempuan : Pa Pa tiyang pun
muruk ngigel drika sig pak de adine.
Lubdaka :
Nah cening kemo malu dabdabang bekel bapane ajak prabote makejang. (anak masuk
rangki)
Keluar istrinya :
Beli jani beli lakar luas maboros, tiang sida mekelin beli amatra base jangkep
teken gambir, men tyang napi bekelin bele jumah?
Lubdaka :
Ooo, gampang ne bekel utama (Roman)
Anak laki keluar :
Naaa tawang dayane nagih gaenang adi (anak laki memanggil adiknya). Lubdaka
berjalan.
Di hutan :
Binatang-binatang keluar, kera, dan kijang bersenang-senang lari ketakutan ada
harimau demonstrasi.
Lubdaka :
Berburu lalu tidur, dan paginya pulang, diterima sang istri, ia sakit dan
akhirnya mati.
Tarua :
Orang-orang menjenguk, memaos. Leak mengganggu.
BABAK III (Siwa Loka)
GANDARWA NGLEBAR/SIWA NGLEBAR
1. Uduh cening Para Gandarwa pada mekejang,
rengen saheyaraning ngulun mangke. Dinane ibi, mapagang tilem ke-7. Manira
nangun yasa ke jagate. Kala ditu ada tukang boros, mangaran I Lubdaka, tumut ri
kertining manira, pageh ia nutug yasan manirane tur sida mekelemah ya magadang
di punyan bilane, saha ngalap don bila sakepidang anggona sarana bakti ajak
manira.
Gandarwa : Singgih
paduka Batara RImangke kadiang aoa wara wacana paduka Batara. Enak pangartika
akena.
SIwa : Nah
cening, jani ya sedeng nandang lara rahat, yan pradene ia ngemasin pejah. Tagih
atmane majeng ring batara Yama, tur jani majalan cening awasang tur sambangin.
Gandarwa : Singgih
paduka Batara anedeng ngiring patik batara (Berjalan).
BABAK IV ( Suara Suratma)
Baru Keluar : Paaaah
heh..heh..heh ngong mangaran Sang Suratma, tukang catet-catet atma…yan hana wang
lakar mati mani bin poan, ngong nyatet, di daftar lebih dahulu…Paaah siapa
Makita mati nyama brayaa, silahkan mendaftar ajak ngong, sing mayah,
gratis..gratis, ngong anak polos, sangkan ngong mangaran Sang Suratma alias
“mister G”.
Paaah, yeki
hana Atma dateng. Ha..ha..ha..yeki atma ngabe clebongkak!!! We we we atma apa
wisayanta ring mercepada warah..warah.
Atma :
Singgih ratu betara panjang critanya, pengawit titiyang nglamar Pegawai Negeri
ten polih.
Suratma : Apa matangian sing maan?
Atma :
Titiyang keni pasal ten nyidayang naur, pun kenten ngelamar ring perusahaan ten
taler polih.
Suratma : Paaa kadiang ape sing maan ?
Atma :
Terbentur Ijasah, tuuu, titiyang tamatan kejar paket A, raris titiang merantau
ke Kuta.
Suratma : Di Kuta maan gae?
Atma : Polih, dados GIGOLO,
raris kene sakit AIDS ngemasin padem.
Suratma : Paaa yan mangkane agung
dosanta, wenang kita kena hukuman berat.
Atma :
Mangkin-mangkin, alon-alon, betara titiyang, makte jinah akeh hasil kerja keras
titiyange puniki ambil, icen titiyang soargan.
Suratma : Paaa
atma corah, kita betara betara tagih tomboke mangke kita lumampah ngelod kauhang.
BABAK V
YAMA LOKA
1. keluar jogor manik
2. kingkara bala NGLEBAR
3. batara yama
a.
Batara Yama: hata riujil ira kaya sapa. Baya tan nengguh sang hyang yama
dipati.
b.
Kingkara bala: singgih paduka batara, pasangtabe patik batara, moga-moga tan
kene raja pinulah.
c.
Yama: lahya kita bretya sadaya. Cening ajak mekejang ne ade pituduh batara
siwa, yan ana atma corah patut pudenda, sing mepilih bulu, asing dose wenang
kalebok di kawahe atma angkara, siapa kadi aku, juk talinin borbor ye, mangkana
sabda sang hyang siwa.
d.
kingkara bala: singgih paduka batara, anedeng ngiring patik batara, tan wania
wadaka ring titah (durung asat)(kagiat).
e.
suratma+lubdaka: pa ah, pukulan puniki atma corah katur ring jeng paduka,
mangaran lubdaka, ningsakarma.
f.
yama: ha ha ha, kamung jogor manik prajaya atma yeki weh sengsara, aku majing
kadatuan.
g.
suratma: pa ah, ngulun mamuit jaga batara.
h.
Jogor manik: lahia, kingkara bali juk talinin atma yeki.
i.
lubdaka: aduh-aduh tulung, cening tulung bapa cening, adi-adi sengsara beli
jani adi, adii tulung.
Mendadak
gandarwa datang, merebut atma lubdaka.
j.
gandarwa: ah mandeg-mandeg kita kabeh ayua wirosa.
k.
jogor manik: iiii, ken ken gandarwa, kita tan wenang milu-milu iki karya mami,
yeki atma corah, kadiang atma kita milu corah, aaaaa
l.
gandarwa: apa…apa…apa ujarta corah?iki corah, ( perang )( jogor manik kalah, lubdaka dibawa gandarwa, yama datang)
m. jogor manik: singgih batara
atma ipun I lubdaka keginawa de gandarwa sampun prebutin titiyang, antema
bungut titiyange kantos beseh, makebyar kunang-kunange, ngeseksek titiyang.
n. Yama: kadiang apa mangkana
ulah gandarwa?
o. jogor manik: ipun ngangken
utusan batara siwa.
p. yama: pa ah, bobab hyang
siwa, lahya kita kabeh, mulih kita presawa(cakra bala masuk) aaah stres aku,
sube melaksanakan tugas dengan baik, jujur, sesuai perintah batara siwa kok
begini, atma corah ilonina, akuda ye I lubdaka nombok? Demi tegaknya hukum, aku
lakar meletakkan jabatan, kar uliang SKne teken batra siwa sebagai atasan.
q. batara siwa+giri putri: uduh
adi tan amat-amat suka wirya kayun beline apan atma I lubdaka, sampun sida
manjing ke siwa loka, ginawa dening gandarwa.
r. giri putri: singgih hyang
siwa, apan luwih kertin ipun I lubdaka ngamargiang brata siwa ratri, patut ipun
icen panugrahan utama (kagiat)
s. yama: ah ah hyang siwa
bingung ngong dadi pejabat, ngong mangke me-ngun-dur-kan-diri titik.
Tugas berat peraturan berubah
mendadak,gaji tidak sesui,kadiang apa atmaingsa karma wineh suarga ! ngae ngae
tekanan darah tinggi kumat!
t. Siwa : uduh Dewa Hyang Yama sandang tur patut idewa
kroda reh idewa ten uning , ring kertin ilubdaka ngelarang , ngemargiang brata
SIWALATRI, kalaning purwaning tilem kapitu. Brata SIWA LATRI inucap bapa sane ngawangun . Nanging mare I
Lubdaka doen ane ngelaksanayang tur
tembus sampurna. Medasar manah lascarya tur pageh , brata inucap maka
pangeleburan sekancan dosa papa karma . ento ngeranayang ia patut maan suarga
ayu . awig awig ento suba sebarang bapa mirib idewa sing taen memaca , jeg
inget jangklekang idewa dilacin mejane,
yan ade lenan teken ento teka, enggal pesan macelup dikantonge.
u. Yama :
singgih pukulun ksama kena an salah mami ,mangke mamuit patik batara ( masuk )
v. Siwa : adi giri putri, atman i Lubdaka enu daki, tonden sida dadi dewata , jalan
bersihin jani , adi mersihin awak nyane antuk adnyana Durga Rupa , apan durga
ngawasa ring pura dalem nguni , Beli maweh adnyana Dewata , saking Berawa Rupa.
w. Giri Putri : singgih kaka yan mangkana enak mangke
nyuti Rupa .
KELUAR BARONG DAN RANGDA membersihkan I Lubdaka
TAMAT
